Darslarda kafedra o’qituvchilari texnik va elektron vositalarni keng qo’llaydilar. Lingofon xonalari, magnitafon bilan bir qatorda kompyuterlar ham ishlatiladi.

Kafedra o’qituvchilari tomonidan “Temur va temuriylar davri madaniyati” – madaniyatshunoslik fanidan, “Бухара – жемчужина Востока” – rus tili fanidan, “Mustahkam oila – kelin-kuyovning jismonan va ruhan sog’lomligidadir” – pedagogika fanidan, “O’zbekistonning o’tmishi ham kelajagi ham buyukdir” – o’zbek tili fanlaridan multimedialar tayyorlandi va CD disklarga ko’chirildi.

Talabalarning joriy, oraliq va yakuniy bilim nazorati kafedra asosan til bilan, nutq madaniyatini o’stirish bilan bog’liq bo’lgani sababli og’zaki va yozma usullarda olib boriladi. Savollar reja asosida berilib, bunda asosiy e’tibor talabaning og’zaki nutqiga, ya’ni rusiyzabon talabalarning davlat tili – o’zbek tilida va o’zbek guruhi talabalarining rus tilida aniq va ravon so’zlashi, madaniyatshunoslik fanidan – talabalarning notiqlik san’ati qonun – qoidalariga rioya qilishi, milliy qadriyatlar, urf – odatlar va an’analarni rivojlantirishda  jamiyatdagi o’rni borasidagi fikrlarini qay yo’sinda bayon qilishi e’tiborga olinadi; pedagogika va psixologiya fanidan esa- pedagogika – psixologiyadagi asosiy tushuncha, tamoyillar, ta’lim – tarbiya mazmuni, shaxsning jamiyatda tutgan o’rni, temperament, guruhlar to’g’risidagi  ma’lumotlar yuzasidan  bilim, malakalar hosil qilinadi.

O’z bilimini mustahkamlash, yangi pedagogik texnologiyalar bilan tanishish, darslarni yangi usullarda o’tish maqsadida kafedra o’qituvchilari uch yilda bir marta I Toshkent Davlat Tibbiyot Institutida quyidagi jadval bo’yicha malaka oshirib kelishmoqda:

Bizning kafedramiz boshqa institut til kafedralari bilan yaqindan hamkorlik olib boradi. Bunda qo’shma kafedra majlislari o’tqaziladi, ochiq darslarda ishtirok etiladi, ilg’or pedagogik tajribalar bilan fikr almashinadi. 2005 yilning aprel oyida Buxoro Davlat universitetining “Fakultetlararo tillar” kafedrasi bilan birgalikda “Диалоги врача с больными” o’quv –uslubiy qo’llanmasi chop etildi.